Máttarverk

Hugsjón Máttarverks er að vera fjárhagslegur bakhjarl kristniboðs á Íslandi og styðja við verkefni sem stuðla að útbreiðslu kristinnar trúar. Til að ná því markmiðið hyggst Máttarverk

• veita einstaklingum fjárhagslegan stuðning til að fara utan á trúboðsráðstefnur, og -námskeið og jafnvel til lengra náms í biblíuskóla

• veita styrki til trúboðsverkefna sem snerta samfélagið með fagnaðarerindinu

• halda úti vefsíðu sem kynnir markmið félagsins, mattarverk.is

• gefa út og dreifa ritum og bæklingum sem kynna Guðs Orð.

 

Í stjórn Máttarverks eru: Ámundi S. Tómasson, Hrafnkell Óli Hrafnkelsson og Hafsteinn G. Einarsson.

 

 

Eldhugar

Eldhugar er samfélag einstaklinga sem hafa í hjarta sínu löngun til að segja öðrum frá Jesú. Tilgangur Eldhugahópsins er að standa fyrir námskeiðum sem þjálfa og styrkja trúboða til starfa, hvetja þá til samstarfs og veita þeim stuðning og hvatningu. Líkt og kolamoli sem missir glóðina þegar hann er einn, þá þrá Eldhugar að varðveita eldinn í hjarta sínu með nálægð og samstarfi. Jesú sendi út lærisveinana tvo og tvo og gaf þeim vald yfir óhreinum öndum (Mark. 6:7). Eldhugar vilja fylgja því verki eftir í íslensku samfélagi. Eldhugar

• hafa staðið fyrir tveimur History Makers námskeiðum og einu EEI námskeiði (sjá neðar)

• halda úti samfélagssíðu á Facebook.

• hittast reglulega til að biðja saman, borða og ræða næstu verkefni

 

 

 

​

NÁMSKEIÐ:

 

Leiðtogaþjálfun History Makers:

Eins og nafnið bendir á þá er námskeiðið fyrir þá sem breyta gangi sögunnar. Uppörvandi og trúarstyrkjandi námskeið sem skorar á þátttakendur. Hér er einblínt á ungt fólk á aldrinum 18-30 ára, sem vill vaxa í trú og taka stöðu sína í þjónustu og köllun fyrir Drottinn.

 

Martin Durham hjá samtökunum K180 í Bretlandi er evrópuleiðtogi History Makers. Eldhugar hafa verið í farsælu samstarfi við K180 allt frá árinu 2013, þegar Hátíð vonar var haldin á Íslandi. Um 25-30 einstaklingar hafa setið námskeiðið hér á landi, þar af tveir frá Finnlandi, einn frá Brasilíu og einn frá BNA.

 

Einar Aron Fjalarsson hefur leitt HM námskeiðin á Íslandi.

 

 

 

Trúboðsnámskeið EEI - Emerging Evangelist Insitute:

EEI er þjálfunarnámskeið fyrir trúboða og er fyrir einstaklinga sem finna hjá sér köllun til kristniboðs og vilja fá kennslu og hvatningu til að halda áfram á þeirri braut. Bresku samtökin K180, sem heyra undir Billy Graham samtökin í Bandaríkjunum, standa fyrir kennslunni

 

Námskeiðið er þrautreynt og hefur skilað góðum árangri í fjölmörgum löndum. EEI er haldið yfir 4 helgar yfir 2 ára skeið og var haldið á Íslandi á árunum 2016 og 2017.

 

„Og Jesús kom til þeirra, talaði við þá og sagði: „Allt vald er mér gefið á himni og jörðu. Farið því og gerið allar þjóðir að lærisveinum, skírið þá í nafni föður og sonar og heilags anda og kennið þeim að halda allt það sem ég hef boðið yður. Sjá, ég er með yður alla daga allt til enda veraldar.“ - Matt. 28:18-20

 

 

Viltu taka þátt?

Við hvetjum alla sem dáið hafa með Kristi, upprisið til hans og eiga hlutdeild í honum sem endurfæddir þjónar og lærisveinar að halda áfram því verki sem Guð hefur kallað þá til. Ef þú vilt taka þátt í starfi Eldhuga og/eða Máttarverks eða óskar eftir upplýsingum um námskeiðin, hafðu þá samband við okkur í gegnum skilaboðaskjóðuna hér á þessari vefsíðu.

 

Og ef þú vilt styrkja starf Máttarverks og Eldhuga, þá eru hér bankauplýsingar:

 

Máttarverk, félagasamtök

kt. 650415-0510

Banki:  0133-26-650415